<
மீனவர்கள் வலையில் அதிக அளவில் சிக்கிய மத்தி மீன்கள்
வேதாரண்யம் பகுதி மீனவர்கள் வலையில் அதிக அளவில் மத்தி மீன்கள் சிக்கியது. இந்த மீன்களுக்கு நல்ல விலை கிடைத்ததால் மகிழ்ச்சி அடைந்தனர்.
வேதாரண்யம்:
வேதாரண்யம் பகுதி மீனவர்கள் வலையில் அதிக அளவில் மத்தி மீன்கள் சிக்கியது. இந்த மீன்களுக்கு நல்ல விலை கிடைத்ததால் மகிழ்ச்சி அடைந்தனர்.
மீன்பிடித் தொழில்
நாகை மாவட்டம் வேதாரண்யம் தாலுகாவில் கோடியக்கரை, ஆறுகாட்டுத்துறை, புஷ்பவனம், வெள்ளப்பள்ளம், வானவன்மாதேவி உள்ளிட்ட 20-க்கும் மேற்பட்ட மீனவ கிராமங்களில் ஆயிரத்துக்கும் மேற்பட்ட பைபர் படகுகள் மற்றும் 65 விசைப்படகுகளில் 5 ஆயிரத்துக்கும் மேற்பட்ட மீனவர்கள் மீன்பிடித் தொழிலில் ஈடுபட்டு வருகின்றனர்.
கொரோனா ஊரடங்கு காரணமாக பைபர் படகு மீனவர்கள் கடந்த ஒரு மாத காலமாக கடலுக்கு மீன்பிடிக்க செல்லாமல் இருந்தனர். மீன்பிடி தடைக்காலத்தால் விசைப்படகு மீனவர்கள் மீன்பிடிக்க செல்லாமல் இருந்தனர்.
அதிக அளவில் சிக்கும் மத்தி மீன்கள்
மீன்பிடி தடைக்காலம் முடிவடைந்தும் கொரோனா ஊரடங்கு காரணமாக விசைப்படகு மீனவர்கள் மீன்பிடிக்க கடலுக்கு செல்லாமல் உள்ளனர். இந்த நிலையில் நேற்று புஷ்பவனத்தில் இருந்து 30-க்கும் மேற்பட்ட பைபர் படகுகளில்மீனவர்கள் மீன்பிடிக்க கடலுக்கு சென்றனர். அப்போது மீனவர்களின் வலையில் அதிக அளவு மத்தி மீன்கள் சிக்கியது. இதனால் மீனவர்கள் மகிழ்ச்சி அடைந்தனர்.
மீனவர்கள் மகிழ்ச்சி
வலையில் சிக்கிய மத்தி மீன்களை கரைக்கு கொண்டு வந்து ஐஸ் வைக்கப்பட்டு கேரளாவுக்கு ஏற்றுமதி செய்யப்படுகிறது.
மத்தி மீன்கள் ஒரு கிலோ ரூ.160-க்கு விலை போனது. நல்ல விலை கிடைத்ததால் மீனவர்கள் மகிழ்ச்சி அடைந்தனர்
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
