மோட்டார் சைக்கிளில் மது கடத்தியவர் கைது

அரவக்குறிச்சி அருகே, கரூர்-திண்டுக்கல் தேசிய நெடுஞ்சாலையில் அரவக்குறிச்சி போலீசார் நேற்று அதிகாலை ரோந்து பணியில் ஈடுபட்டனர். அப்போது திண்டுக்கல் மாவட்டம், வேடசந்தூர் தாலுகா, வெள்ளையம்பட்டியைச் சேர்ந்த ராஜாங்கம் (வயது 38) என்பவர் தனது மோட்டார் சைக்கிளில் ஜங்கால்பட்டி பிரிவு அருகே சென்றபோது  போலீசார் அவரை நிறுத்தி சோதனையிட்டனர். அப்போது, அவர் வைத்திருந்த ஒரு பையில் 60 மதுபாட்டில்கள் பதுக்கி வைத்திருந்தது கண்டறியப்பட்டது. அதன்பேரில், மோட்டார் சைக்கிளில் மது கடத்தி சென்றதாக ராஜாங்கத்தை போலீசார் கைது செய்தனர்.