<
திருப்பத்தூரில் குடிநீர் வழங்காததை கண்டித்து காலி குடங்களுடன் பொதுமக்கள் மறியல்
திருப்பத்தூரில் குடிநீர் வழங்காததால் நகராட்சியை கண்டித்து பொதுமக்கள் காலி குடங்களுடன் சாலை மறியலில் ஈடுபட்டனர்.
திருப்பத்தூர்
சாலை மறியல்
திருப்பத்தூர் டவுன் புதுப்பேட்டை ரோடு காந்திநகர் 4-வது தெருவில் 100-க்கும் மேற்பட்ட குடும்பத்தினர் வசித்து வருகின்றனர். அனைவரது வீட்டிலும் குடிநீர் குழாய் இணைப்புகள் உள்ளது. ஆனால் பல வருடங்களாக குடிநீர் ழங்கப்படரில்லை என்று கூறப்படுகிறது. இதுகுறித்து 30-க்கும் மேற்பட்ட மனுக்கள் கொடுத்தும் எந்தவித நடவடிக்கை எடுக்கவில்லை.
இதனால் பாதிக்கப்பட்ட பொதுமக்கள் திருப்பத்தூர் நகராட்சியை கண்டித்து காலி குடங்களுடன் புதுப்பேட்டை ரோடு பகுதியில் மறியலில் ஈடுபட்டனர். தகவலறிந்து நகராட்சி அலுவலர்கள் வந்து பொதுமக்களிடம் குடி நீர் வழங்க ஏற்பாடு செய்வதாக உறுதியளித்தனர்.
பரபரப்பு
அதனை ஏற்க மறுத்த பொதுமக்கள் பலமுறை மனு கொடுத்தும் இதே பதில்தான் கூறுகிறீர்கள். உடனடியாக எங்களுக்கு குடிநீர் வழங்க வேண்டும் என கோஷங்களை எழுப்பினார்கள். பின்னர் சமாதானம் அடைந்து போராட்டத்தை கைவிட்டனர்.
இந்த சம்பவத்தால் அந்தப்பகுதியில் சிறிது நேரம் பரபரப்பு ஏற்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
