சரக்கு ஆட்டோவில் ரேஷன் அரிசி கடத்தல்; வாலிபர் கைது

நெல்லை:

நெல்லை மாவட்ட குடிமை பொருள் கடத்தல் தடுப்பு பிரிவு போலீஸ் இன்ஸ்பெக்டர் தில்லை நாகராஜன் மற்றும் போலீசார் சேர்ந்தமரம் -புளியங்குடி ரோட்டில் திருமலாபுரம் பகுதியில் வாகன சோதனையில் ஈடுபட்டனர். அப்போது அந்த வழியாக வந்த ஒரு சரக்கு ஆட்டோவை நிறுத்தி சோதனை செய்தனர். அதில், 25 மூட்டைகளில் 750 கிலோ ரேஷன் அரிசி இருந்தது தெரியவந்தது. உடனே போலீசார் டிரைவரிடம் விசாரணை நடத்தினர். விசாரணையில், அவர் சாம்பவர் வடகரையைச் சேர்ந்த பிரேம்குமார் (வயது 26) என்பதும், ரேஷன் அரிசியை கடத்தி வந்ததும் தெரியவந்தது. உடனே  பிரேம்குமாரை கைது செய்து, அவரிடமிருந்து 750 கிலோ ரேஷன் அரிசியை சரக்கு ஆட்டோவுடன் பறிமுதல் செய்தனர்.