பெண்ணிடம் நகை பறிப்பு

நெல்லை:

பாளையங்கோட்டை என்.ஜி.ஓ. காலனியை சேர்ந்தவர் சுப்புலட்சுமி (வயது 54). இவர் அரசு சிறுவர் கூர்நோக்கு இல்லத்தில் சமையலராக பணிபுரிந்து வருகிறார். நேற்று முன்தினம் மாலையில் இவர் என்.ஜி.ஓ. காலனி பகுதியில் நடந்து சென்று கொண்டிருந்தார். அப்போது மோட்டார் சைக்கிளில் வந்த மர்ம நபர்கள் 2 பேர் இவர் அணிந்திருந்த தங்க சங்கிலியை பறித்துச் சென்றனர். இதுகுறித்து பாளையங்கோட்டை குற்றப்பிரிவு போலீசார் வழக்குப்பதிவு செய்து கொள்ளையர்களை தேடி வருகின்றனர்.