<
கூலித்தொழிலாளி வீட்டில் நகை, பணம் திருட்டு
வடமதுரை அருகே கூலித்தொழிலாளி வீட்டில் நகை, பணத்தை மர்ம நபர்கள் திருடி சென்றனர்.
திண்டுக்கல்:
திண்டுக்கல் மாவட்டம் வடமதுரை அருகே உள்ள தாமரைப்பாடி நவீன் நகரை சேர்ந்தவர் கண்ணதாசன் (வயது 36). கூலித்தொழிலாளி. கடந்த 25-ந்தேதியன்று இரவு இவர், தனது வீட்டு அறையில் தூங்கி கொண்டிருந்தார். வீட்டின் மற்றொரு அறையில் ஜன்னல் திறந்து கிடந்தது.
இதனை நோட்டமிட்ட மர்ம நபர் ஒருவர், அந்த ஜன்னலில் பொருத்தியிருந்த கொசுவலையை அறுத்து, அதன் வழியாக குச்சியை உள்ளே விட்டு பீரோவின் கைப்பிடியில் தொங்கி கொண்டிருந்த கைப்யையை நைசாக எடுத்தார். பின்னர் அந்த பையில் இருந்த 2½ பவுன் சங்கிலி, ரூ.7 ஆயிரத்து 500 ஆகியவற்றை திருடி சென்று விட்டார்.
இந்தநிலையில் மறுநாள் காலையில் எழுந்து பார்த்த கண்ணதாசன், கைப்பையில் இருந்த நகை, பணம் திருடப்பட்டிருந்ததை கண்டு அதிர்ச்சி அடைந்தார்.
இதுகுறித்து வடமதுரை போலீஸ் நிலையத்தில் நேற்று அவர் புகார் செய்தார். அதன்பேரில் போலீஸ் சப்-இன்ஸ்பெக்டர் பிரபாகரன் வழக்குப்பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
