மொபட் மீது லாரி மோதி பெண் பலி

க.பரமத்தி அருகே உள்ள பெருமாள்பாளையத்தை சேர்ந்தவர் ராமலிங்கம். இவரது மனைவி விஜயலட்சுமி (வயது 45). இவர் கடந்த 4 தினங்களுக்கு முன்பு தனது மொபட்டில் க.பரமத்திக்கு வந்து கொண்டிருந்தார். மோளபாளையம் பிரிவு அருகே வந்தபோது பின்னால் வந்த லாரி விஜயலட்சுமி ஓட்டி வந்த மொபட் மீது மோதியது. இதில் மொபட்டில் இருந்து தூக்கி வீசப்பட்ட அவர் படுகாயம் அடைந்தார். இதையடுத்து அவர் கோவையில் உள்ள ஒரு தனியார் மருத்துவமனையில் அனுமதிக்கப்பட்டு சிகிச்சை பெற்று வந்தார். இந்தநிலையில் நேற்று முன்தினம் சிகிச்சை பலனின்றி விஜயலட்சுமி பரிதாபமாக இறந்தார். இந்த விபத்து குறித்து க.பரமத்தி போலீசார் வழக்குப்பதிந்து விசாரணை நடத்தி வருகின்றனர்.