ஒரே நாளில் 2,600 பேருக்கு கொரோனா தடுப்பூசி

தமிழகத்தில் கொரோனா 2-வது அலையின் தாக்கம் படிப்படியாக குறைந்து வருகிறது. இதன் காரணமாக ஊரடங்கில் பல்வேறு தளர்வுகள் அறிவிக்கப்பட்டு உள்ளன. தற்போது அனைத்து கடைகளும் திறக்கப்பட்டு இருப்பதால் படிப்படியாக மக்கள் இயல்பு வாழ்க்கைக்கு திரும்பி கொண்டு இருக்கின்றனர்.
ஆரம்ப கட்டத்தில் தடுப்பூசி போடுவதற்கு மக்கள் தயக்கம் காட்டினார்கள். பின்னர் கொரோனா 2-வது அலையின் போது நடுத்தர வயதை சேர்ந்தவர்களும் திடீரென்று இறக்க தொடங்கியதன் விளைவு தடுப்பூசி போட்டு கொள்வதில் பொதுமக்கள் ஆர்வம் காட்ட தொடங்கினார்கள்.காரைக்குடி அருகே உள்ள பர்மா காலனி, சாக்கோட்டை ஆகிய 2 இடங்களில் சிறப்பு முகாம் நடந்தது. இதில் நேற்று தடுப்பூசி போடுவதற்கு பொதுமக்கள் ஆர்வம் காட்டினார்கள்.
சமூக இடைவெளியை பின்பற்றாமல் வரிசையில் நின்றது இன்னும் பொதுமக்களிடம் கொரோனா குறித்த விழிப்புணர்வு இல்லாததை எடுத்துக்காட்டியது. நேற்று ஒரே நாளில் காரைக்குடி பகுதியில் மட்டும் 2 ஆயிரத்து 600 பேருக்கு தடுப்பூசி போடப்பட்டது.