சிவகங்கை, எஸ்.புதூரில் பலத்த மழை

சிவகங்கையில் நேற்று பகலில் வெயிலின் தாக்கம் அதிகமாக இருந்தது. இந்நிலையில் மாலை 3 மணியளவில் திடீரென்று மேகமூட்டத்துடன் மழை பெய்ய தொடங்கியது. இந்த மழை விட்டுவிட்டு பெய்தது.
கல்லல் மற்றும் அதனை சுற்றியுள்ள பகுதிகளில் நேற்று மாலை 4 மணி முதல் 5 மணி வரை பலத்த மழை பெய்தது. இதனால் நீர்நிலைகளில் தண்ணீர் மட்டம் உயர்ந்து காணப்படுகிறது.மேலும் வெப்பத்தின் தாக்கமும் குறைந்து காணப்படுகிறது. கிணற்றுப் பாசனம் மூலமாக கடலை, காய்கறிகள், சிறுதானியங்கள் பயிரிடுவதற்கு இந்த மழை நல்ல பயன் அளிக்கும்.இந்த மழையினால் விவசாயிகள் மகிழ்ச்சி அடைந்தனர்.