மோட்டார் சைக்கிளில் இருந்து தவறி விழுந்து விவசாயி பலி

எஸ்.புதூர்,

எஸ்.புதூர் அருகே உள்ள மேலவண்ணாரிருப்பு கிராமத்தைச் சேர்ந்தவர் பழனிச்சாமி (வயது 50).விவசாயி. சம்பவத்தன்று இவர் தனது மகன் மணிகண்டனுடன் பக்கத்து ஊரில் இருந்து மோட்டார் சைக்கிளில் வீட்டுக்கு திரும்பி கொண்டு இருந்தார். மணிகண்டன் மோட்டார் சைக்கிளை ஓட்டினார். மேலவண்ணாரிருப்பு அருகே சென்ற போது திடீெரன்று மோட்டார் சைக்கிள் நிலை தடுமாறியது. இதில் மோட்டார் சைக்கிளில் இருந்து கீழே விழுந்ததில் பழனிச்சாமி பரிதாபமாக இறந்தார்.
இதுகுறித்த புகாரின் பேரில் உலகம்பட்டி போலீசார் வழக்கு பதிவு செய்து விசாரணை நடத்தி வருகின்றனர்.