வாகனம் மோதி ஒருவர் பலி

திருச்சி

திருச்சி-மதுரை பைபாஸ் ரோட்டில் பஞ்சப்பூர் சாரநாதன் கல்லூரி அருகில் நேற்று முன்தினம் இரவு சாலையில் நடந்து வந்த 50 வயது மதிக்கத்தக்க ஆண் ஒருவர் மீது அந்த வழியாக சென்ற வாகனம் மோதி விட்டு நிற்காமல் சென்று விட்டது. இதில் படுகாயம் அடைந்த அவர் சம்பவ இடத்திலேயே பலியானார். பின்னர் அந்த வாகனம் நிற்காமல் சென்று விட்டது. விபத்தை கண்ட அந்த பகுதியினர் தெற்கு போக்குவரத்து புலனாய்வு பிரிவு போலீசாருக்கு தகவல் கொடுத்தனர். போலீசார் அங்கு சென்று இறந்து கிடந்தவரின் உடலை மீட்டு பிரேத பரிசோதனைக்காக திருச்சி அரசு மருத்துவமனைக்கு அனுப்பி வைத்தனர். மேலும், இதுகுறித்து வழக்குப்பதிவு செய்து, அவர் யார்? எந்த பகுதியை சேர்ந்தவர்?, அவர் மீது மோதி விட்டு நிற்காமல் சென்ற வாகனம் எது? என்பது குறித்து விசாரித்து வருகிறார்கள்.