திருமணமான 3 மாதத்தில் பரிதாபம் 4-வது மாடியில் இருந்து குதித்து இளம்பெண் தற்கொலை

பெரம்பூர்,

சென்னை மண்ணடி எம்.கே.கார்டன் தெருவை சேர்ந்தவர் முகம்மது சுல்தான். இவர், சொந்தமாக தொழில் செய்து வருகிறார். இவருடைய மனைவி ஆஜிரா (வயது 19). இவர்களுக்கு 3 மாதங்களுக்கு முன்புதான் திருமணம் ஆனது. இவர்கள் உத்தரப்பிரதேச மாநிலத்தைச் சேர்ந்தவர்கள்.

முகம்மது சுல்தான், அவருடைய அண்ணன் சலீம் அகமது, அவருடைய மனைவி பஸ்ஸிம்ஜான் மற்றும் மைத்துனர் ஆகியோர் அங்குள்ள அடுக்குமாடி குடியிருப்பின் 4-வது மாடியில் ஒரே வீட்டில் கூட்டுக்குடும்பமாக வசித்து வருகின்றனர்.

4-வது மாடியில் இருந்து....

முகம்மது சுல்தானின் மனைவி ஆஜிராவுக்கும், அவருடைய அண்ணன் மனைவி பஸ்ஸிம்ஜானிக்கும் இடையே குடும்பத் தகராறு ஏற்பட்டதாக கூறப்படுகிறது. இதில் மனமுடைந்த ஆஜிரா, வீட்டின் 4-வது மாடியில் இருந்து குதித்து தற்கொலைக்கு முயன்றார்.

இதில் தலை, கை, கால் என உடல் முழுவதும் படுகாயம் அடைந்த ஆஜிரா, அங்குள்ள தனியார் ஆஸ்பத்திரியில் சிகிச்சை பலனின்றி பரிதாபமாக இறந்தார். இதுகுறித்து எஸ்பிளனேடு போலீசார் வழக்குப்பதிவு செய்து விசாரித்து வருகின்றனர்.