தஞ்சை மாவட்டத்தில் கொரோனாவுக்கு 4 பேர் பலி

தஞ்சாவூர்,

தஞ்சை மாவட்டத்தில் நேற்று மேலும் 179 பேருக்கு கொரோனா தொற்று உறுதி செய்யப்பட்டது. இதன்மூலம் பாதிக்கப்பட்டவர்களின் எண்ணிக்கை 65 ஆயிரத்து 197 ஆக உயர்ந்துள்ளது. நேற்று 174 பேர் குணம் அடைந்து வீடு திரும்பினர். இதுவரை 62 ஆயிரத்து 749 பேர் குணம் அடைந்துள்ளனர். கொரோனாவுக்கு மருத்துவமனையில் சிகிச்சை பெற்று வந்த 65, 66 வயதுடைய 2 ஆண்களும், 40, 58 வயதுடைய 2 பெண்களும் என 4 பேர் பலியானார்கள். இதன்மூலம் பலியானவர்களின் எண்ணிக்கை 808 ஆக உயர்ந்துள்ளது. தற்போது 1,640 பேர் சிகிச்சை பெற்று வருகின்றனர்.