<
தொழில் அதிபரிடம் ரூ.38 லட்சம் மோசடி செய்த வாலிபர் கைது
மிளகாய் விற்பனையில் கமிஷன் தருவதாக ராமநாதபுரம் தொழில் அதிபரிடம் ரூ.38 லட்சம் வாங்கி மோசடி செய்த வாலிபர் கைது செய்யப்பட்டார். இதுதொடர்பாக வாலிபரின் தந்தை, மற்றும் தம்பியை போலீசார் தேடிவருகின்றனர்.
ராமநாதபுரம்,
மிளகாய் விற்பனையில் கமிஷன் தருவதாக ராமநாதபுரம் தொழில் அதிபரிடம் ரூ.38 லட்சம் வாங்கி மோசடி செய்த வாலிபர் கைது செய்யப்பட்டார். இதுதொடர்பாக வாலிபரின் தந்தை, மற்றும் தம்பியை போலீசார் தேடிவருகின்றனர்.
மிளகாய்
பரமக்குடி அருகே உள்ள தெளிச்சாத்தநல்லூர் நேருநகர் பகுதியை சேர்ந்தவர் அம்புரோஸ் மகன் சார்லஸ். இவர் ராமநாதபுரத்தில் மதுரை தேசிய நெடுஞ்சாலையில் இருசக்கர வாகனம் விற்பனை செய்யும் மொத்த விற்பனையாளராக உள்ளார்.
இந்தநிலையில் இவரிடம் பரமக்குடியில் தேசிய நெடுஞ்சாலையில் கமிஷன்மண்டி வைத்து நடத்திவரும் பரமக்குடி பாரதிநகர் கிழக்கு பால்பண்ணைதெருவை சேர்ந்த கித்தேரி முத்து என்பவரின் மகன் ஜேசு மற்றும் அவரின் மகன்கள் மாணிக்கம் (வயது35), ஜார்ஜ் ஆகியோர் கடந்த 2015-ம் ஆண்டு மிளகாய் வாங்கி ஸ்டாக் வைத்து தேவை அதிகமான நேரத்தில் விற்பனை செய்தால் அதிக லாபம் சம்பாதிக்கலாம் என்றும் அதற்கு பணம் தருமாறும், விற்பனை லாபத்தில் 25 சதவீதம் கமிஷனாக தருவதாகவும் கூறி உள்ளனர்.
கடன்
சென்னை அழைத்து சென்று குளிர்சாதன வசதியுடன் இருப்பு வைக்கும் பகுதியை காட்டி ஆசை வார்த்தை கூறி உள்ளார். இவரின் பேச்சை நம்பிய சார்லஸ், மேற்படி நபர்கள் கேட்டுக்கொண்டபடி 38 லட்சத்து 5 ஆயிரத்து 500 பணத்தினை கடனாக கொடுத்துள்ளார். இந்த பணத்தை பெற்றுக்கொண்ட தந்தை மற்றும் மகன்கள் ஒப்புக் கொண்டபடி கமிஷன் தராமல் இருந்ததோடு தனது பணத்தை திருப்பி தருமாறு கேட்டபோது அதனையும் தராமல் மிரட்டினார்களாம்.
கைது
இதேபோன்று இவர்கள் பரமக்குடி அரிவாசுதேவன் மகன் கிஷோர்குமாரிடம் ரூ.31 லட்சத்து 50 ஆயிரமும், பாஸ்கரன் மகன் மனோஜ்பாபு என்பவரிடம் ரூ.3 லட்சத்து 90 ஆயிரம் பெற்றுக்கொண்டு மோசடி செய்து விட்டார்களாம். இதுபற்றி அறிந்த சார்லஸ் தானும் இதேபோல ஏமாற்றப்பட்டதை உணர்ந்து இதகுறித்து மாவட்ட போலீஸ் சூப்பிரண்டு கார்த்திக்கிடம் புகார் செய்தார்.
அவரின் உத்தரவின் அடிப்படையில் மாவட்ட குற்றப்பிரிவு போலீஸ் இன்ஸ்பெக்டர் ராணி, சப்-இன்ஸ் பெக்டர் கந்தசாமி ஆகியோர் வழக்குப்பதிவு செய்து மாணிக்கத்தை கைது செய்து கோர்ட்டில் ஆஜர்படுத்தி சிறையில் அடைத்தனர். இந்த மோசடி சம்பவம் தொடர்பாக மாணிக்கத்தின் தந்தை ஜேசு மற்றும் தம்பி ஜார்ஜ் ஆகியோரை போலீசார் தேடிவருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
