பரமத்திவேலூர் காவிரி கரையில் முதியவர் பிணம் யார் அவர்? போலீசார் விசாரணை

பரமத்திவேலூர்:

பரமத்திவேலூர் காவிரிக்கரை பகுதி சிவன் கோவில் அருகே 65 வயது‌ மதிக்கத்தக்க முதியவர் ஒருவர் இறந்து கிடப்பதாக பரமத்திவேலூர் போலீசாருக்கு தகவல் கிடைத்தது. அதன்ேபரில் சம்பவ இடத்திற்கு சென்ற போலீசார் இறந்து கிடந்த முதியவரின் உடலை கைப்பற்றி பரமத்திவேலூர் அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர். இறந்து கிடந்த முதியவர் வெள்ளை சட்டையும், காவி நிற வேட்டியும், சிவப்பு நிற துண்டும் அணிந்திருந்தார். ‌அவர் யார்? எந்த ஊரை சேர்ந்தவர்? எப்படி இறந்தார்? என்பது குறித்து பரமத்திவேலூர் போலீசார் வழக்குப்பதிவு செய்து விசாரணை நடத்தி வருகின்றனர்.

=======