வழிப்பறி செய்த வாலிபர் கைது

ராமநாதபுரம்

ராமநாதபுரம் கள்ளர் தெரு பகுதியை சேர்ந்தவர் காமாட்சி(வயது 26). இவர் கடந்த சில தினங்களுக்கு முன்பு வள்ளல் பாரி தெருவைச் சேர்ந்த விஜயமாடசாமி என்பவரை தாக்கி காயப்படுத்தி விட்டு அவரிடம் இருந்த ரூ.30 ஆயிரத்தை திருடி சென்று விட்டார். இந்த வழக்கில் காமாட்சியை போலீசார் தேடிவந்தனர். மேலும் இவர் மீது பல்வேறு குற்ற வழக்குகள் நிலுவையில் இருந்தது. இந்தநிலையில் காமாட்சி அவரின் வீட்டின் அருகில் ஒரு பகுதியில் பதுங்கி இருப்பதாக கேணிக்கரை போலீசாருக்கு தகவல் கிடைத்தது. இதைத்தொடர்ந்து போலீசார் அங்கு விரைந்து சென்று காமாட்சியை மடக்கிப்பிடித்து கைது செய்தனர். அப்போது அவரை சோதனையிட்டபோது நீண்ட வாள் போன்ற கத்தி வைத்திருந்தது தெரியவந்தது. இதை தொடர்ந்து அதனை பறிமுதல் செய்த போலீசார் காமாட்சியை கைது செய்து சிறையில் அடைத்தனர்.