படிக்கட்டில் இருந்து தவறி விழுந்த மூதாட்டி சாவு

திருவள்ளூர், 

திருவள்ளூரை அடுத்த கடம்பத்தூர் ஒன்றியம் நுங்கம்பாக்கம் கம்மவார்பாளையம் கிராமத்தை சேர்ந்தவர் கோவிந்தம்மாள் (வயது 77). கடந்த 9-ந்தேதியன்று கோவிந்தம்மாள் தன்னுடைய வீட்டு படிக்கட்டில் ஏறும்போது எதிர்பாராதவிதமாக தவறி கீழே விழுந்தார். இதில் அவர் படுகாயம் அடைந்தார். இதை பார்த்த அவரது வீட்டில் உள்ளவர்கள் உடனடியாக அவரை மீட்டு சிகிச்சைக்காக திருவள்ளூர் அரசு ஆஸ்பத்திரிக்கு அழைத்து சென்றனர்.

அங்கு சிகிச்சை பெற்று வந்த அவர் நேற்று முன்தினம் சிகிச்சை பலனில்லாமல் பரிதாபமாக இறந்துபோனார். இது குறித்து மணவாளநகர் போலீசார் வழக்குப்பதிவு செய்து விசாரித்து வருகின்றனர்.