கள்ளக்குறிச்சியில் ஆர்ப்பாட்டம்

கள்ளக்குறிச்சி

உழவர் தொழிலாளர் பேரியக்கம் மற்றும் தமிழ் வழி கல்வி இயக்கம் சார்பில் கள்ளக்குறிச்சி கச்சேரி சாலையில் ஆர்ப்பாட்டம் நடைபெற்றது. இதற்கு உழவர் தொழிலாளர் பேரியக்க நிர்வாகி ராதாகிருஷ்ணன் தலைமை தாங்கினார். மேகதாது அணை கட்டுவதற்கு, புதிய கல்விக்கொள்கைக்கு எதிர்ப்பு தெரிவித்தும், கைக்கான் வளைவுத் திட்டத்தை கைவிட வேண்டும், நீட் தேர்வை ரத்து செய்ய வேண்டும், கல்வி உரிமையை தமிழ்நாட்டு அரசிடம் முழுமையாக வழங்க வேண்டும் ஆகிய கோரிக்கைகளை வலியுறுத்தி ஆர்ப்பாட்டம் நடைபெற்றது. இதில் நிர்வாகிகள் அம்பேத்கர், சவுந்தரராஜன், மதிவாணன், கஜேந்திரன், ராமலிங்கம் உள்பட பலர் கலந்து கொண்டனர்.