கோவை

ஈரோடு மாவட்டம் வீரப்பன்சத்திரம் பாரதி வீதியை சேர்ந்தவர் ஸ்ரீபரணிதரன் (வயது 25). இவர் நேற்று முன்தினம் தனது நண்பரான கோவை ஜோதிபுரம் பகுதியை சேர்ந்த சந்துரு வெங்கட் (22) என்பவரின் மோட்டார் சைக்கிளில் பின்னால் அமர்ந்து சென்று கொண்டிருந்தார். 

அப்போது மோட்டார் சைக்கிள் அவினாசி ரோட்டில் கோல்டு வின் பகுதியில் வந்த போது எதிர்பாராத விதமாக ஸ்ரீ பரணிதரன் மோட்டார் சைக்கிளில் இருந்து தவறி விழுந்தார். அதில் அவருக்கு தலையில் பலத்த காயம் ஏற்பட்டது.

 இதையடுத்து அவரை அக்கம்பக்கத்தினர் மீட்டு சிகிச்சைக்காக அந்த பகுதியில் தனியார் மருத்துவமனைக்கு அனுப்பி வைத்தனர். அங்கு அவர் சிகிச்சை பலனின்றி பரிதாபமாக உயிர் இழந்தார். 

இதுகுறித்து கோவை கிழக்கு பகுதி போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.