சரக்கு வாகனத்தில் மணல் கடத்தியவர்கள் தப்பி ஓட்டம்

திருப்பத்தூரில் இருந்து காரைக்குடி செல்லும் சாலையில் உள்ள சந்தைப்பேட்டை பகுதியில் சரக்கு வாகனம் ஒன்றில் மணல் மூடைகளை ஏற்றிக் கொண்டு நேற்று அதிகாலை சென்றுள்ளனர். சாலையில் போலீசார் நிற்பதைக் கண்ட வாகன டிரைவர், உதவியாளர் ஆகியோர் சரக்கு வாகனத்தை நிறுத்திவிட்டு அங்கிருந்து தப்பி ஓடிவிட்டனர்.
இதையடுத்து அந்த சரக்கு வாகனத்தையும், அதில் ஏற்றப்பட்டு இருந்த மணல் மூடைகளையும் பறிமுதல் செய்தனர்.
பின்னர் சரக்கு வாகனத்தை திருப்பத்தூர் நகர போலீஸ் நிலையத்திற்கு எடுத்து சென்றனர். சரக்கு வாகனம் யாருடையது?  மணல் கடத்தலில் ஈடுபட்டவர்கள் யார், யார்? என போலீசார் தீவிர விசாரணை நடத்தி வருகின்றனர்.