வீட்டிற்குள் புகுந்த பாம்பு

கரூர் மாவட்டம் கந்தம்பாளையம் அருகே சுந்தராம்பாள்நகர் 5-வது தெருவைச் சேர்ந்தவர் கவுதமி (வயது 45). இவரது வீட்டிற்குள் நேற்று 5 அடிநீளமுள்ள நாகப்பாம்பு புகுந்துள்ளது. இதைக்கண்ட கவுதமி பதறி அடித்து கொண்டு வீட்டில் இருந்து வெளியே ஓடி வந்தார். இதுகுறித்து தகவல் அறிந்த வேலாயுதம்பாளையம் தீயணைப்பு நிலைய அலுவலர் திருமுருகன் தலைமையிலான வீரர்கள் சம்பவ இடத்திற்கு வந்து, வீட்டிற்குள் புகுந்த பாம்பை பிடித்து சென்று வனப்பகுதியில் விட்டனர்.