விபத்தில் தனியார் நிறுவன ஊழியர் பலி

கர்நாடக மாநிலம் ஆனேக்கல் தாலுகா அதிகொண்டனஅள்ளி பகுதியை சேர்ந்தவர் நாராயணப்பா (வயது 43). இவர் பெங்களூருவில் உள்ள தனியார் நிறுவனத்தில் தொழிலாளியாக வேலை செய்து வந்தார். இந்தநிலையில் சம்பவத்தன்று இவர் ஓசூர்- பெங்களூரு தேசிய நெடுஞ்சாலையில் ஜூஜூவாடி சோதனைச்சாவடி அருகே தனது மொபட்டில் சென்றார். அப்போது பின்னால் வந்த கன்டெய்னர் லாரி ஒன்று நாராயணப்பா மீது மோதியது. இதில் பலத்த காயம் அடைந்த அவர் சம்பவ இடத்திலேயே உயிரிழந்தார். இந்த விபத்து குறித்து ஓசூர் சிப்காட் போலீசார் வழக்குப்பதிவு செய்து விசாரணை நடத்தி வருகின்றனர்.