<
வால்பாறை பகுதியில் அட்டகாசம் வாலிபரை கடித்து குதறிய கரடிகள்
வால்பாறை பகுதியில் அட்டகாசம் செய்து வரும் கரடிகள் வாலிபரை கடித்து குதறின. இதன் காண ரமாக பொதுமக்கள் பீதியடைந்து உள்ளனர்.
வால்பாறை
வால்பாறை பகுதியில் அட்டகாசம் செய்து வரும் கரடிகள் வாலிபரை கடித்து குதறின. இதன் காண ரமாக பொதுமக்கள் பீதியடைந்து உள்ளனர்.
நடந்து சென்றார்
வால்பாறை அருகில் உள்ள அய்யர்பாடி எஸ்டேட் 2-வது பிரிவு பகுதியை சேர்ந்தவர் வசந்த் பிரபாகரன் (வயது 22). தொழிற்பயிற்சி படித்து முடித்த இவர் வேலைக்காக காத்து இருக்கிறார்.
இவர் அருகில் உள்ள தனது நண்பர்கள் வீட்டிற்கு நடந்து சென்றார். பின்னர் இரவில் அவர் தனது வீட்டிற்கு நடந்து சென்று கொண்டு இருந்தார். வீட்டின் அருகே வந்தபோது திடீரென்று அங்குள்ள புதருக்குள் இருந்து குட்டியுடன் சேர்ந்து 3 கரடிகள் வெளியே வந்தன.
கரடிகள்கடித்து குதறின
திடீரென்று வெளியே வந்த கரடிகளை பார்த்து வசந்த் பிரபாகரன் அதிர்ச்சி அடைந்தார். அங்கிருந்து தப்பி ஓட முயன்றபோது, அந்த கரடிகள் அவர் மீது பாய்ந்து தாக்கியதுடன் கடித்து குதறி இழுத்துச்சென்றன.
இதனால் வலி தாங்க முடியாமல் அவர் அலறினார். இதனால் அக்கம் பக்கத்தினர் மற்றும் அவருடைய நண்பர்கள் ஓடி வந்து பார்த்தபோது, வசந்த் பிரபாகரனை கரடிகள் கடித்து இழுத்துச்செல்வதை பார்த்து அதிர்ச்சி அடைந்தனர். பின்னர் அவர்கள் கூச்சலிட்டும், கற்களை தூக்கி எரிந்தும் அந்த கரடிகளை துரத்தினார்கள்.
தீவிர சிகிச்சை
அப்போது அந்த கரடிகள் அவரை அங்கேயே போட்டுவிட்டு வனப்பகுதிக்குள் தப்பிச்சென்றன. கரடிகள் தாக்கியதில் படுகாயம் அடைந்து உயிருக்கு போராடிய வசந்த் பிரபாகரனை அவர்கள் மீட்டு வால்பாறை அரசு ஆஸ்பத்திரிக்கு அனுப்பி வைத்தனர்.
பின்னர் அவர் மேல் சிகிச்சைக்காக பொள்ளாச்சி அரசு ஆஸ்பத்திரிக்கு அனுப்பி வைக்கப்பட்டார். அங்கு அவருக்கு டாக்டர்கள் தீவிர சிகிச்சை அளித்து வருகிறார்கள்.
இது குறித்து தகவல் அறிந்த வால்பாறை மற்றும் மானாம்பள்ளி வனத்துறையினர் சம்பவ இடத்துக்கு விரைந்து சென்று கண்காணிப்பு பணியில் ஈடுபட்டு வருகிறார்கள்.
பொதுமக்கள் பீதி
வால்பாறை அருகே உள்ள வில்லோணி எஸ்டேட் பகுதியில் கடந்த 27-ந் தேதி கரடி தாக்கியதில் வாலிபர் உயிரிழந்தார். தற்போது அய்யர்பாடி பகுதியில் அட்டகாசம் செய்து வரும் கரடிகள், வாலிபரை கடித்து குதறியது அந்தப்பகுதியை சேர்ந்த பொதுமக்களிடம் பீதியை ஏற்படுத்தி உள்ளது.
எனவே வனத்துறையினர் தீவிர ரோந்து பணியில் ஈடுபட்டு குடியிருப்பு அருகே நடமாடி வரும் வனவிலங்குகளை துரத்த வேண்டும் என்று பொதுமக்கள் கோரிக்கை விடுத்து உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
