கஞ்சா விற்ற வாலிபர் கைது

கரூர் டவுன் போலீஸ் சப்-இன்ஸ்பெக்டர் ராஜேந்திரன் தலைமையிலான போலீசார் ரோந்து பணியில் ஈடுபட்டிருந்தனர். அப்போது வஞ்சுலீஸ்வரர் கோவில் பின்புறம் உள்ள காட்டுப்பகுதியில் கஞ்சாவை வைத்து விற்பனை செய்து கொண்டிருந்த சின்ன ஆண்டான்கோயில் மெயின் ரோட்டை சேர்ந்த தினேஷ் குமார் (வயது 21) என்பவரை போலீசார் கைது செய்தனர். மேலும் அவர் விற்பனைக்காக வைத்திருந்த 1 கிலோ 100 கிராம் கஞ்சாவை பறிமுதல் செய்தனர்.