சிவகாசியில் மினி மாரத்தான் போட்டி

சிவகாசி, 

உலக தாய்ப்பால் வாரத்தையொட்டி சிவகாசியில் மினிமாரத்தான் போட்டிக்கு இந்திய மருத்துவ குழந்தைகள் கழகம் (மதுரை) ஏற்பாடு செய்யப்பட்டு இருந்தது. ஏ.வி.டி. பள்ளியில் இருந்து தொடங்கிய இந்த மினிமாரத்தான் போட்டியை சிவகாசி துணை போலீஸ் சூப்பிரண்டு பாபுபிரசாந்த் கொடியசைத்து தொடங்கி வைத்தார். இதில் நகராட்சி ஆணையாளர் பார்த்தசாரதி, தொழிலதிபர் லவ்லி செல்வகுமார், காளீஸ்வரன், சுரேஷ்பாபு, சுமித்குமார், இன்ஸ்பெக்டர் சுபக்குமார் ஆகியோர் கலந்து கொண்டனர். ஆண்களுக்கும், பெண்களுக்கும் தனித்தனியாக மினிமாரத்தான் போட்டி நடைபெற்றது. இதில் ஆண்கள் பிரிவில் 85 வயது ராஜேந்திரன், பெண்கள் பிரிவில் 84 வயது செந்தியம்மாள் உள்பட பலர் கலந்து கொண்டனர். இதில் ஆண்கள் பிரிவில் மாரிமுத்து, வேல்முத்து, கமலேஷ் ஆகியோர் முதல் மூன்று இடங்களை பெற்றனர். பெண்கள் பிரிவில் செல்வகுமாரி வினாயகமூர்த்தி, மகேஸ்வரி, நிவேத்தா ஆகியோர் முதல் மூன்று இடங்களை பெற்றனர். 4-ம் வகுப்பு மாணவி அகிலேஷ்வரிக்கு சிறப்பு பரிசு வழங்கப்பட்டது. நிகழ்ச்சிக்கான ஏற்பாடுகளை சிவகாசி நகர்மன்ற முன்னாள் தலைவர் டாக்டர் கதிரவன் செய்திருந்தார்.