மாவட்ட செய்திகள்

டிராக்டர்களை சாலையில் நிறுத்தி விவசாயிகள் போராட்டம் + "||" + Struggle

டிராக்டர்களை சாலையில் நிறுத்தி விவசாயிகள் போராட்டம்

டிராக்டர்களை சாலையில் நிறுத்தி விவசாயிகள் போராட்டம்
சடையம்பட்டி நெல்கொள்முதல் நிலையத்தை திறக்க கோரி டிராக்டர்களை சாலையில் நிறுத்தி விவசாயிகள் போராட்டத்தில் ஈடுபட்டனர்.
காரையூர், ஆக.4-
சடையம்பட்டி நெல்கொள்முதல் நிலையத்தை திறக்க கோரி டிராக்டர்களை சாலையில் நிறுத்தி விவசாயிகள் போராட்டத்தில் ஈடுபட்டனர்.
சாலையில் நிறுத்தி போராட்டம்
காரையூர் அருகே சடையம்பட்டியில் அரசின் நேரடி நெல்கொள்முதல் நிலையம் உள்ளது. ஆனால் இது திறக்கப்படாமல் உள்ளது. இந்த கொள்முதல் நிலையத்தில் முள்ளிப்பட்டி, ஒலியமங்கலம், உசிலம்பட்டி, சூரப்பட்டி, கொன்னையம்பட்டி, இடையாத்தூர், அரசமலை மற்றும் சுற்றுவட்டார கிராமங்களை சேர்ந்த விவசாயிகள் தாங்கள் அறுவடை செய்த நெல்மணிகளை விற்பனை செய்வார்கள்.

தற்போது, இப்பகுதிகளில் நெல்அறுவடை பணிகள் நடைபெற்று வருகிறது. இந்தநிலையில் இப்பகுதிகளை சேர்ந்த 15-க்கும் மேற்பட்ட கிராம விவசாயிகள் டிராக்டரில் நெல் மூட்டைகளை ஏற்றி வந்தனர். ஆனால் சடையம்பட்டி நெல்கொள்முதல் நிலையம் திறக்கப்படாததால் தாங்கள் நெல்மூட்டைகளை ஏற்றி வந்த வாகனங்களை சாலையில் நிறுத்தி மறியல் போராட்டத்தில் ஈடுபட்டனர்.
கூடுதல் நெல் கொள்முதல் நிலையம்
நாங்கள் கொண்டுவந்த நெல் மூட்டைகளை அரசு கொள்முதல் செய்ய வேண்டும். சடையம்பட்டி நெல் கொள்முதல் நிலையம் தொடர்ந்து செயல்பட வேண்டும். பொன்னமராவதி ஒன்றியத்தில் 42 கிராம பஞ்சாயத்துகளுக்கும் இந்த ஒரே ஒரு நெல்கொள்முதல் நிலையம்தான் உள்ளது. எனவே கூடுதல் நெல்கொள்முதல் நிலையம் திறக்க வேண்டும் என வலியுறுத்தி கோஷமிட்டனர்.
இது குறித்து தகவல் அறிந்த பொன்னமராவதி தாசில்தார் ஜெயபாரதி, காரையூர் போலீஸ் சப்-இன்ஸ்பெக்டர் கிருஷ்ணன், வருவாய் ஆய்வாளர் பாண்டி ஆகியோர் சம்பவ இடத்துக்கு விரைந்து வந்து போராட்டத்தில் ஈடுபட்ட விவசாயிகளிடம் பேச்சுவார்த்தை நடத்தினர். இது தொடர்பாக உரிய நடவடிக்கை எடுக்கப்படும் என அதிகாரிகள் உறுதி அளித்ததை தொடர்ந்து அவர்கள் கலைந்து சென்றனர்.

தொடர்புடைய செய்திகள்

1. கலை, அறிவியல் கல்லூரியில் 2-வது நாளாக கவுரவ விரிவுரையாளர்கள், அலுவலக பணியாளர்கள் உள்ளிருப்பு போராட்டம்
கலை, அறிவியல் கல்லூரியில் 2-வது நாளாக கவுரவ விரிவுரையாளர்கள், அலுவலக பணியாளர்கள் உள்ளிருப்பு போராட்டத்தில் ஈடுபட்டனர்.
2. அரசு கலை, அறிவியல் கல்லூரியில் கவுரவ விரிவுரையாளர்கள் உள்ளிருப்பு போராட்டம்
கவுரவ விரிவுரையாளர்கள் உள்ளிருப்பு போராட்டத்தில் ஈடுபட்டனர்.
3. வீடுகளில் கருப்பு கொடி ஏற்றி பொதுமக்கள் போராட்டம்
அருப்புக்கோட்டையில் கோவிலை இடிக்க எதிர்ப்பு தெரிவித்து பொதுமக்கள் வீடுகளில் கருப்பு கொடி ஏற்றி போராட்டத்தில் ஈடுபட்டதுடன், சாலை மறியல் போராட்டத்திலும் ஈடுபட்டனர்.
4. தி.மு.க., கூட்டணி கட்சிகள் போராட்டம்
மத்திய அரசை கண்டித்து மாவட்டத்தில் பல்வேறு இடங்களில் தி.மு.க. கூட்டணி கட்சிகள் போராட்டத்தில் ஈடுபட்டனர்.
5. மனித சங்கிலி போராட்டம்
மனித சங்கிலி போராட்டம்