<
சிதம்பரம் அருகே ரெயிலில் அடிப்பட்டு முன்னாள் ஊழியர் சாவு
சிதம்பரம் அருகே ரெயிலில் அடிப்பட்டு முன்னாள் ஊழியர் உயிரிழந்தாா்.
சிதம்பரம்,
சிதம்பரம் அருகே உள்ள கோவிலாம்பூண்டியை சேர்ந்தவர், கோவிந்தசாமி மகன் மணவாளன் (வயது 65). இவர் ரெயில்வேயில் கேட் கீப்பராக பணி செய்து ஓய்வு பெற்றவர் ஆவார்.
இவர் நேற்று முன்தினம் இரவு, கோவிலம்பூண்டி ரெயில்வே கேட் அருகே உள்ள ரெயில்வே தண்டவாளத்தை கடக்க முயன்றார். அப்போது அந்த வழியாக வந்த ரெயிலில் அடிப்பட்டு, மணவாளன் சம்பவ இடத்திலேயே உயிரிழந்தார்.
இதுபற்றி அறிந்த சிதம்பரம் ரெயில்வே இருப்பு பாதை போலீசார் சம்பவ இடத்திற்கு விரைந்து சென்று, மணவாளனின் உடலை கைப்பற்றி பிரேத பரிசோதனைக்காக சிதம்பரம் அரசு மருத்துவமனைக்கு அனுப்பி வைத்தனர். இதுகுறித்து போலீஸ் இன்ஸ்பெக்டர் அருண்குமார் வழக்குப்பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
