தூத்துக்குடி அருகே கஞ்சா வைத்திருந்தவர் கைது

தூத்துக்குடி அருகே உள்ள முத்தையாபுரம் போலீஸ் சப்-இன்ஸ்பெக்டர் மகாராஜன் மற்றும் போலீசார் நேற்று முள்ளக்காடு கோவளம் கடற்கரை பகுதியில் ரோந்து பணியில் ஈடுபட்டிருந்தனர். அப்போது அங்கு சந்தேகப்படும் நிலையில் நின்று கொண்டிருந்த ஒருவர் போலீசாரை கண்டதும் ஓட முற்பட்டதால், அவரை போலீசார் விரட்டி பிடித்து அவரிடம் விசாரணை நடத்தியபோது, அவர் சுனாமி காலனியை சேர்ந்த சீனிமீராசா மகன் முனீஸ் (வயது 19) என்பதும் அவர் விற்பனைக்காக கஞ்சா வைத்திருந்ததும் தெரியவந்தது. அதனைத் தொடர்ந்து போலீசார் அவரை கைது செய்து அவரிடமிருந்து கஞ்சாவை பறிமுதல் செய்தனர்.