<
தடையை மீறி சந்தையில் குவிந்த வியாபாரிகளுக்கு அபராதம்
சந்தையில் குவிந்த வியாபாரிகளுக்கு அபராதம்
திருப்பத்தூர்
கொரோனா பரவலை கட்டுப்படுத்த மாவட்ட நிர்வாகம் வார சந்தைகளை நடத்த தடை விதித்துள்ளது. அதனை மீறி கந்திலி பகுதியில் வாரந்தோறும் சனிக்கிழமைகளில் வாரச் சந்தை நடைபெறுவதாகவும், கந்திலி, கெஜல்நாயக்கன்பட்டி, திருப்பத்தூர், பர்கூர் கிருஷ்ணகிரி பெங்களூர் மற்றும் ஆந்திர மாநிலம் குப்பம், பகுதிகளில் இருந்து வந்து வியாபாரிகள் காய்கறிகள், ஆடு, மாடுகள், கோழி, விற்பனை செய்வதாகவும் மாவட்ட நிர்வாகத்திற்கு புகார்கள் வந்தது. தகவலறிந்த திருப்பத்தூர் தாசில்தார் சிவப்பிரகாசம், வருவாய் ஆய்வாளர் ராஜேஷ், சம்பவ இடத்திற்கு நேரில் வந்து சமூக இடைவெளியின்றி, முக கவசம் அணியாமலும், சந்தைகளில் வியாபாரம் செய்து கொண்டிருந்த வியாபாரிகளிடம் சமூக இடைவெளி கடைபிடிக்க வேண்டும், முக கவசம் அணிய வேண்டும், தடுப்பூசி போட்டுக்கொள்ள வேண்டும் என்று விழிப்புணர்வை ஏற்படுத்தினர்.
மேலும் தற்போது வாரசந்தை நடத்த தமிழக அரசு தடை விதித்துள்ளதால் அனுமதியின்றி சமூக இடைவெளியின்றியும், முக கவசம் அணியாமல் இருந்த பல வியாபாரிகளுக்கு ரூ 15ஆயிரம் அபராதம் விதிக்கப்பட்டது. பின்னர் அவர்கள் அனைவரும் கலைந்து செல்ல தாசில்தார் உத்தரவிட்டதை அடுத்து அனைவரும் கலைந்து சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
