கோவில்பட்டியில் பிரபல ரவுடி கைது

கோவில்பட்டி கிழக்கு போலீஸ் இன்ஸ்பெக்டர் சுஜித் ஆனந்த் தலைமையில் போலீசார் நேற்று முன்தினம் இரவு ரோந்து பணியில் ஈடுபட்டனர். அப்போது கோவில்பட்டி மாரியம்மன் கோவில் அருகே சந்தேகத்திற்கு இடமான முறையில் நின்றவரை பிடித்து விசாரித்தனர். அவர் கோவில்பட்டி தினசரி சந்தை ரோட்டை சேர்ந்த பிரபல ரவுடியான ராஜதுரை (வயது 27) என தெரியவந்தது.

மேலும், அவர் அப்பகுதியில் நடந்து சென்ற ஒருவரை அரிவாளால் வெட்டி கொல்ல முயன்றதும் தெரியவந்தது. இது தொடர்பாக கிழக்கு போலீசார் வழக்குப்பதிவுசெய்து அவரை கைதுசெய்தனர்.  கைதான ராஜதுரை மீது கோவில்பட்டி கிழக்கு காவல் நிலையத்தில் கொலை முயற்சி, கொலை மிரட்டல் உட்பட 7 வழக்குகளும், மேற்கு காவல் நிலையத்தில் கொலை முயற்சி, கொலை மிரட்டல் உட்பட 11 வழக்குகுகளும், நெல்லை மாவட்டம் கே.வி. நல்லூர் காவல்நிலையத்தில் ஒரு வழக்கு, ஆக  மொத்தம் 19 வழக்குகள் நிலுவையில் உள்ளது குறிப்பிடத்தக்கது.