மின் கோபுரத்தில் வாலிபர் தூக்குப்போட்டு தற்கொலை

திருக்கோவிலூர்

திருக்கோவிலூர் அடுத்த லா.கூடலூர் கிராமத்தைச் சேர்ந்தவர் வெள்ளையன் மகன் தமிழ்ச்செல்வன்(வயது 23). சம்பவத்தன்று இவர் தனது உறவினர்களுடன் மணலூர்பேட்டை அருகே ஞானம்பெற்றான்தங்கள் கிராமத்தில் உள்ள குலதெய்வ கோவிலுக்கு சாமி கும்பிட சென்றார். அப்போது அங்கிருந்த தமிழ்செல்வன் திடீரென மாயமானதால் அவரை உறவினர்கள் பல்வேறு இடங்களில் தேடியும் காணவில்லை.

இந்த நிலையில் நேற்று அதே ஊரில் உள்ள மின் கோபுரத்தில் செந்தமிழ்செல்வன் தூக்கில் பிணமாக தொங்கிக்கொண்டிருந்தார். இதுபற்றிய தகவல் அறிந்து வந்த  மணலூர்பேட்டை போலீசார் மின் கோபுரத்தில் தூக்கில் தொங்கிய செந்தமிழ்ச்செல்வன் உடலை கீழே இறக்கி பிரேத பரிசோதனைக்காக திருக்கோவிலூர் அரசு மருத்துவமனைக்கு அனுப்பி வைத்தனர். மேலும் இது தொடர்பாக வழக்கு பதிவு செய்து செந்தமிழ்ச்செல்வனின் தற்கொலைக்கான காரணம் என்ன என்பது குறித்து போலீசார் தீவிர விசாரணை நடத்தி வருகின்றனர்.