குமரியில் இன்று 23 இடங்களில் தடுப்பூசி முகாம்

நாகர்கோவில்:

குமரி மாவட்டத்தில் இன்று 23 இடங்களில் கோவேக்சின், கோவிஷீல்டு தடுப்பூசி முகாம் நடக்கிறது.

இதுதொடர்பாக மாவட்ட கலெக்டர் அரவிந்த் வெளியிட்டுள்ள செய்தி குறிப்பில் கூறியிருப்பதாவது:-

குமரி மாவட்டத்தில் இன்று (செவ்வாய்க்கிழமை) 23 இடங்களில் தடுப்பூசி முகாம் நடக்கிறது. அதன்படி, செண்பகராமன்புதூர், அகஸ்தீஸ்வரம், குட்டக்குழி அரசு ஆரம்ப சுகாதார நிலையங்கள், நாகர்கோவில் சல்வேஷன் ஆர்மி பள்ளி, நாகர்கோவில் டதி பள்ளி ஆகிய 5 இடங்களில் ஆன்லைன் டோக்கன் முறையில் அனைத்து வயதினருக்கும் கோவிஷீல்டு தடுப்பூசி முகாம் நடைபெறுகிறது.

நேரடி டோக்கன் முறையில் பூதப்பாண்டி அரசு மருத்துவமனை, செண்பகராமன்புதூர், அகஸ்தீஸ்வரம், குட்டக்குழி, அரசு ஆரம்ப சுகாதார நிலையங்கள், திருப்பதிசாரம், அருமநல்லூர் அரசு மேல்நிலைப்பள்ளிகள், சேக்கல் புனித பீட்டர் மேல்நிலைப்பள்ளி, நாகர்கோவில் இந்துக்கல்லூரி, வெட்டூர்ணிமடம் சால்வேஷன் ஆர்மி பள்ளி, டதி பள்ளி, பூச்சிவிளாகம் அரசு தொடக்கப்பள்ளி ஆகிய 11 மையங்களில் அனைத்து வயதினருக்கும், நீரிழிவு மற்றும் இணை நோய் உள்ளவர்களுக்கும் கோவிஷீல்டு தடுப்பூசி செலுத்தப்படும்.

நாகர்கோவில் கவிமணி பள்ளியில் வெளிநாடு செல்பவர்களுக்கான 2-வது டோஸ் தடுப்பூசி மட்டும் போடப்படும். பூதப்பாண்டி, குலசேகரம், செருப்பாலூர் அரசு மருத்துவமனைகள், குருந்தங்கோடு அரசு ஆரம்ப சுகாதார நிலையம், ஆண்டார்குளம் அரசு தொடக்கப்பள்ளி, நாகர்கோவில் ஒழுகினசேரி என்.எஸ்.கே. அரசு மேல்நிலைப்பள்ளி ஆகிய 6 இடங்களில் கேவேக்சின் தடுப்பூசி முதல் மற்றும் 2-வது டோஸ் போடப்படும். 

இவ்வாறு அதில் கூறப்பட்டுள்ளது.