காரில் கஞ்சா விற்றவர் கைது

திருபுவனை, ஆக.

திருபுவனை போலீஸ் இன்ஸ்பெக்டர் கணேசன், சப்-இன்ஸ்பெக்டர்கள் குமரவேல், அஜய்குமார் மற்றும் போலீசார் கலிதீர்த்தாள்குப்பம் ஜே.எம்.ஜே. கார்டன் பகுதியில் ரோந்து பணியில் ஈடுபட்டனர். அப்போது அந்த பகுதியில் சந்தேகத்துக்கு இடமான முறையில் நின்று கொண்டிருந்த காரை சோதனை   செய்தனர்.  அப்போது   காருக்குள் கஞ்சா பொட்டலங்கள் இருப்பதை கண்டு அதிர்ச்சி அடைந்தனர்.

இது தொடர்பாக காரில்   இருந்த  2  பேரை  பிடித்து விசாரணை நடத்தினர். விசாரணையில் அவர்கள், கள்ளக்குறிச்சி மாவட்டம் வாழவந்தான்குப்பம் மேட்டுதெருவைச் சேர்ந்த ஹரிகரன் (வயது 25), சரத்குமார் (22) என்பது தெரியவந்தது. இதுகுறித்து வழக்குப்பதிவு செய்த போலீசார், 2 பேரையும்    கைது  செய்தனர்.  அவர்களுக்கு  மருத்துவ பரிசோதனை செய்ததில் சரத்குமாருக்கு கொரோனா தொற்று இருப்பது தெரியவந்தது.    இதையடுத்து  அவர் ஆஸ்பத்திரியில் அனுமதிக்கப்பட்டுள்ளார்.

கைது செய்யப்பட்ட ஹரிகரனிடம் இருந்து கார், 111 கிராம் கஞ்சா, 2 செல்போன்கள் பறிமுதல் செய்யப்பட்டது.