சிறுமி கடத்தல்; தொழிலாளி போக்சோவில் கைது

பரமத்திவேலூர்:

பரமத்தி அருகே உள்ள வள்ளியப்பம்பட்டி காலனியை சேர்ந்தவர் பிரகாஷ் (வயது 40). கோழிப்பண்ணையில் முட்டை சேகரிக்கும் தொழிலாளியான இவர் கடந்த 4-ந் தேதி 16 வயது சிறுமியை திருமண ஆசைவார்த்தை கூறி கடத்தி சென்றார். மகளை காணாததால் அதிர்ச்சி அடைந்த பெற்றோர் இதுகுறித்து பரமத்தி போலீஸ் நிலையத்தில் புகார் அளித்தனர். 

அதன்பேரில் போலீசார் விசாரணை நடத்தி வந்தனர். இந்தநிலையில் பரமத்தியில் இருந்து திருச்செங்கோடு செல்லும் சாலையில் உள்ள பஸ் நிறுத்தம் அருகே பிரகாஷ் மற்றும் 16 வயது சிறுமி நின்று கொண்டிருந்தனர். இதையறிந்த போலீசார் 2 பேரையும் வேலூர் மகளிர் போலீஸ் நிலையத்திற்கு அழைத்து வந்தனர். பின்னர் விசாரணை நடத்தி 16 வயது சிறுமியை திருமண ஆசைவார்த்தை கூறி கடத்தி சென்றதாக பிரகாசை பரமத்தி போலீசார் போக்சோ சட்டத்தின் கீழ் கைது செய்தனர்.

======