பாம்பு கடித்து தொழிலாளி சாவு

ராஜாக்கமங்கலம்:

வெள்ளிச்சந்தை அருகே சரல் பகுதியை சேர்ந்தவர் ரவி (வயது 53), சமையல் தொழிலாளி. இவர் சம்பவத்தன்று இரவு தனது வீட்டின் பின்பகுதியில் நாய்க்கு உணவு வைக்க சென்றார். அப்போது எதிர்பாராவிதமாக அவரை விஷப்பாம்பு கடித்தது. இதனால் அலறி துடித்த அவரை உறவினர்கள் மீட்டு ஆசாரிபள்ளம் அரசு ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலனின்றி நேற்று முன்தினம் பரிதாபமாக இறந்தார். இதுகுறித்து வெள்ளிச்சந்தை போலீசார் வழக்குப்பதிவு செய்து விசாரணை நடத்தி வருகிறார்கள்.