சாராயம் விற்பனை பெண் உள்பட 2 பேர் கைது

சங்கராபுரம்

சங்கராபுரம் போலீஸ் சப்-இன்ஸ்பெக்டர்கள் திருமால், சவுக்கத்தலி ஆகியோர் தலைமையிலான போலீசார் அரசம்பட்டு, கொசப்பாடி பகுதிகளில் ரோந்து பணி மேற்கொண்டனர். அப்போது அரசம்பட்டு மணிநதி ஆற்றுபாலம் அருகே சாராயம் விற்ற பாசார் கிராமத்தைச் சேர்ந்த அஞ்சலை (வயது 58) என்பவரை கைது செய்த போலீசார் அவரிடம் இருந்து 55 லிட்டர் சாராயத்தை பறிமுதல் செய்தனர். அதேபோல் தனது வீட்டின் அருகே சாராயம் விற்பனை செய்து கொண்டிருந்த கொசப்பாடி கிராமத்தைச் சேர்ந்த ராஜேந்திரன்(57) என்பவரை கைது செய்த போலீசார் அவரிடம் இருந்து 30 லிட்டர் சாராயத்தை பறிமுதல் செய்தனர்.