<
குழந்தை இல்லாத ஏக்கத்தில் கிணற்றில் குதித்து பெண் தற்கொலை
ஊத்தங்கரை அருகே குழந்தை இல்லாத ஏக்கத்தில் கிணற்றில் குதித்து பெண் தற்கொலை செய்து கொண்டார்.
கிருஷ்ணகிரி:
கிணற்றில் குதித்து தற்கொலை
ஊத்தங்கரை அருகே உள்ள மல்லிப்பட்டி சாமியார் நகரை சேர்ந்தவர் நந்தீஸ்வரன் என்கிற விஜய். இவருடைய மனைவி அலமேலு (வயது 23). இவர்களுக்கு திருமணமாகி 2½ ஆண்டுகள் ஆகிறது. குழந்தை இல்லை. இதனால் மனவேதனையில் இருந்து வந்த அலமேலு அந்த பகுதியில் உள்ள கிணற்றில் குதித்து தற்கொலை செய்து கொண்டார்.
இது குறித்து சிங்காரப்பேட்டை போலீசார் வழக்குப்பதிவு செய்து விசாரணை நடத்தி வருகிறார்கள். மேலும் திருமணமாகி 2½ ஆண்டுகளே ஆவதால் அலமேலு தற்கொலை குறித்து ஊத்தங்கரை துணை போலீஸ் சூப்பிரண்டு அலெக்சாண்டரும் விசாரணை நடத்தி வருகிறார்.
கடன் பிரச்சினை
காவேரிப்பட்டணம் ஜெய்னூரை சேர்ந்தவர் முருகன். இவருடைய மனைவி வெண்மணி (30). கடந்த 11 ஆண்டுகளுக்கு முன்பு இவர்கள் 2 பேரும் காதலித்து திருமணம் செய்து கொண்டனர். இந்தநிலையில் இந்த தம்பதிக்கு கடன் பிரச்சினை இருந்து வந்துள்ளது.
இதனால் மனமுடைந்த வெண்மணி வீட்டில் தூக்குப்போட்டு தற்கொலை செய்து கொண்டார். இந்த சம்பவம் குறித்து காவேரிப்பட்டணம் போலீசார் வழக்குப்பதிவு செய்து விசாரணை நடத்தி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
