கணவன்-மனைவியை தாக்கிய 3 பேர் மீது வழக்கு

குளித்தலை அருகே உள்ள பரளியை சேர்ந்தவர் அர்ஜுனன் (வயது 60). அதே பகுதியை சேர்ந்தவர் சத்தியமூர்த்தி (45). இவர்கள் இருவரது வீடும் அருகருகே உள்ளன. இந்தநிலையில் அர்ஜுனன் தனது வீட்டின் அருகே சிறுநீர் கழித்ததாக கூறப்படுகிறது. இதுதொடர்பாக ஏற்பட்ட தகராறில் சத்தியமூர்த்தி மற்றும் அவரது மகன்களான ஜனா (20), கிருஷ்ணன் (19) ஆகியோர் அர்ஜுனனை திட்டி தாக்கியுள்ளனர். மேலும், இதைதடுக்க வந்த அர்ஜுனனின் மனைவி ராஜேஸ்வரியையும் அவர்கள் தாக்கியதாக கூறப்படுகிறது. இந்த சம்பவம் குறித்து அர்ஜுனன் கொடுத்த புகாரின்பேரில்  குளித்தலை போலீசார் சத்தியமூர்த்தி, ஜனா, கிருஷ்ணா ஆகிய 3 பேர் மீதும் வழக்குப்பதிவு செய்து விசாரணை நடத்தி வருகின்றனர்.