<
காரில் ரேஷன் அரிசி கடத்தல்; 2 பேர் கைது
திருச்செந்தூர் அருகே காரில் ரேஷன் அரிசி கடத்தியதாக 2 பேரை போலீசார் கைது செய்தனர்.
தூத்துக்குடி:
திருச்செந்தூர் அருகே காரில் ரேஷன் அரிசி கடத்திச் சென்ற 2 பேரை போலீசார் கைது செய்தனர். அவர்களிடம் இருந்து 1,080 கிலோ ரேஷன் அரிசி பறிமுதல் செய்யப்பட்டது.
வாகன தணிக்கை
தூத்துக்குடி மாவட்ட குடிமைப் பொருள் கடத்தல் தடுப்பு பிரிவு போலீசார் திருச்செந்தூர் அருகே உள்ள ஆலந்தலை பிரதான சாலையில் கந்தசாமிபுரம் பகுதியில் நேற்று வாகன தணிக்கையில் ஈடுபட்டனர்.
அப்போது அந்த வழியாக வந்த ஒரு காரை நிறுத்தி போலீசார் சோதனை செய்தனர். அதில் ரேஷன் அரிசி கடத்துவது கண்டுபிடிக்கப்பட்டது.
இதையடுத்து காரில் இருந்த தலா 40 கிலோ எடை கொண்ட 27 மூட்டைகளில் இருந்த 1,080 கிலோ ரேஷன் அரிசியை போலீசார் பறிமுதல் செய்தனர்.
2 பேர் கைது
காரில் ரேஷன் அரிசி கடத்திய மானாடு தண்டுபத்து ஜெ.ஜெ.நகர் பகுதியைச் சேர்ந்த அமச்சர் (வயது 20), பரமசிவன் (26) ஆகிய 2 பேரையும் போலீசார் கைது செய்தனர்.
மேலும் கடத்தலுக்கு பயன்படுத்தப்பட்ட காரையும் பறிமுதல் செய்தனர். போலீசார் மேலும் இதுகுறித்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
