கஞ்சா வைத்திருந்த 2 வாலிபர்கள் கைது

சுரண்டை:

சுரண்டை மற்றும் சுற்றுவட்டார பகுதிகளில் கஞ்சா விற்பனை நடைபெற்று வருவதாக சுரண்டை போலீசாருக்கு ரகசிய தகவல் கிடைத்தது. இதைத் தொடர்ந்து போலீஸ் இன்ஸ்பெக்டர் சுரேஷ் ஆலோசனையின் பேரில் சப்-இன்ஸ்பெக்டர் விமலா தலைமையில் போலீசார் தீவிர கண்காணிப்பு பணியில் ஈடுபட்டனர். 

அப்போது சுரண்டையில் இருந்து சாம்பவர்வடகரை செல்லும் சாலை அருகே வாகன சோதனையில் ஈடுபட்டிருந்த போது அப்பகுதியில் சந்தேகத்திற்கிடமாக நின்று கொண்டிருந்த சுரண்டை சிவகுருநாதபுரத்தை சேர்ந்த நடராஜன் மகன் செல்வம் (வயது 20), லட்சுமண பெருமாள் மகன் காசிராஜன் (24) ஆகியோரை பிடித்து விசாரணை நடத்தினர். அப்போது, அவர்கள் கஞ்சா வைத்திருந்தது தெதரியவந்தது. அவர்களிடம் இருந்து 1 கிலோ கஞ்சா பறிமுதல் செய்யப்பட்டது. தொடர்ந்து 2  பேரையும் போலீசார் கைது செய்து, ஆலங்குளம் குற்றவியல் நீதிமன்றத்தில் ஆஜர்படுத்தினர்.