மோட்டார் சைக்கிளில் இருந்து விழுந்த வாலிபர் பலி

சாத்தூர்,

விருதுநகர் தாலுகா கடம்பன்குளத்தை சேர்ந்தவர்  பாலகிருஷ்ணன் (வயது 28). கூலி தொழிலாளி. இவருடைய மனைவி முனீஸ்வரி பிரசவத்திற்காக அவரது அம்மா வீட்டில் இருக்கிறார். ஆதலால் அவரை பார்க்க பாலகிருஷ்ணன் மோட்டார் சைக்கிளில் அப்பையநாயக்கன்பட்டியில் இருந்து மல்லையநாயக்கன்பட்டி செல்லும் சாலையில் சென்று கொண்டிருந்த போது நிலை தடுமாறி கீழே விழுந்தார். உடனே அவரை மீட்டு சிகிச்சைக்காக விருதுநகர் அரசு மருத்துவமனையில் சேர்த்தனர். அங்கு அவரை பரிசோதித்த டாக்டர் அவர் இறந்து விட்டதாக கூறினார். இதுகுறித்து முனீஸ்வரி கொடுத்த புகாரின் பேரில் அப்பையநாயக்கன்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.