காணாமல் போன மனைவியை 11 ஆண்டுகளுக்கு பின்னர் சந்தித்த கணவர்

  இதற்கிடையே பெரம்பலூரில் உயிருடன் இருந்த லெட்சுமியை இறந்துவிட்டதாக கருதி, மற்றொரு பெண்ணின் உடலுக்கு நரசய்யா இறுதிச்சடங்கு செய்தது போலீஸ் விசாரணையில் தெரியவந்துள்ளது. அதாவது நரசய்யா, லெட்சுமி காணாமல் போய்விட்டதாக 11 ஆண்டுகளுக்கு முன்பு உள்ளூர் போலீஸ் நிலையத்தில் புகார் கொடுத்திருந்தார். அப்போது அந்தப்பகுதியில் அடையாளம் தெரியாத நிலையில் ஒரு பெண் இறந்து கிடந்ததாகவும், அது நரசய்யாவின் மனைவியாக இருக்கலாம் என்றும் கருதி, அந்த பெண்ணின் உடலை நரசய்யாவிடம் உள்ளூர் போலீசார் அளித்ததாக தெரிகிறது. இதையடுத்து அந்த பெண்ணின் உடலுக்கு நரசய்யா இறுதி சடங்கு செய்ததாக, பெரம்பலூர் போலீசார் தெரிவித்தனர். மேலும் லெட்சுமி வீட்டில் இருந்தபோது மூத்த மகளுக்கு திருமணம் செய்த நரசய்யா, லெட்சுமி காணாமல் போன பின்னர் வெளிநாட்டிற்கு வேலைக்கு சென்று சம்பாதித்து, மற்ற 2 மகள்களையும் திருமணம் செய்து கொடுத்துள்ளார். இந்நிலையில் லெட்சுமி உயிருடன் பெரம்பலூரில் வாழ்ந்து வந்த தகவல், நரசய்யாவுக்கு இன்ப அதிர்ச்சியாக இருந்தது. மேலும் அவர், லெட்சுமியிடம் 11 ஆண்டுகள் கழித்து மகள்களின் புகைப்படத்தை காண்பித்த போது, அவர் அந்த புகைப்படத்தை முத்த மழையில் நனைத்தார்.