<
வீட்டில் பதுக்கி வைத்திருந்த 1 டன் ரேஷன் அரிசி பறிமுதல்
வீட்டில் பதுக்கி வைத்திருந்த 1 டன் ரேஷன் அரிசி பறிமுதல் செய்யப்பட்டது.
உத்தமபாளையம்,
கூடலூரில் ஒரு வீட்டில் ரேஷன் அரிசி பதுக்கி வைத்திருப்பதாக உத்தமபாளையம் பறக்கும் படை துணை தாசில்தார் கண்ணனுக்கு ரகசிய தகவல் கிடைத்தது. இதையடுத்து வருவாய்த்துறை அலுவலர்களுடன் கூடலூர் சென்று அவர் சோதனை செய்தார்.
அப்போது கீழகூடலூரில் உள்ள ஒரு வீட்டில், அதே பகுதியை சேர்ந்த நேரு என்பவர் ரேஷன் அரிசியை பதுக்கி வைத்திருந்தது தெரியவந்தது. இதற்கிடையே அதிகாரிகள் வருவதை அறிந்த நேரு அங்கிருந்து தப்பியோடிவிட்டார்.
இதைத்தொடர்ந்து வீட்டில் பதுக்கி வைத்திருந்த 980 கிலோ ரேஷன் அரிசியை அதிகாரிகள் பறிமுதல் செய்தனர். மேலும் இதுகுறித்து உத்தமபாளையம் உணவு கடத்தல் தடுப்புப்பிரிவு போலீசார் வழக்குப்பதிவு செய்து, தப்பி ஓடிய நேருவை தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
