கண் பரிசோதனை முகாம்

செங்கோட்டை:

செங்கோட்டை அருகே உள்ள விசுவநாதபுரம் பெரியபிள்ளைவலசை பஞ்சாயத்து அலுவலக சமுதாய நலக்கூடத்தில் மாவட்ட பார்வையிழப்பு தடுப்பு சங்கம் நிதி உதவியுடன் நெல்லை டாக்டா் அகர்வால் கண் மருத்துவமனை, விசுவநாதபுரம் அரசமரம் அறக்கட்டளை மற்றும் வல்லம் நேஷனல் பப்ளிக் ஸ்கூல், ஷிபா மெடிக்கல் சார்பில் இலவச கண் பரிசோதனை முகாம் நடந்தது. முகாமிற்கு சமூக ஆர்வலா் பொறியாளா் வேல்சாமி தலைமை தாங்கினார். நேஷனல் பப்ளிக் ஸ்கூல் தாளாளா் அப்துல்மஜீத் முன்னிலை வகித்தார். அரசமரம் கண்பார்வை குறைபாடு மற்றும் பார்வையற்றோர் சேவை அமைப்பின் நிறுவன தலைவா் மன்சூர் வரவேற்றார். அதனைதொடா்ந்து டாக்டா் அகர்வால் கண் மருத்துவமனை விழிஒளி ஆய்வாளா்கள் சிஞ்சு, கரோலின், அனிஷா ஆகியோர் கலந்துகொண்டு பொதுமக்களுக்கு இலவச கண் பரிசோதனை நடத்தினர்.. நிகழ்ச்சியில் முகாம் முதன்மை மேலாளா் ஏஎஸ்.மாணிக்கம் மற்றும் அறக்கட்டளை பணியாளா்கள் உள்பட பலா் கலந்து கொண்டனா்.