மாவட்ட செய்திகள்

காவிரி குடிநீர் வினிேயாகம் செய்யக்கோரிகாலிக்குடங்களுடன் பொதுமக்கள் சாலை மறியல்போக்குவரத்து பாதிப்பு + "||" + Public road block with barricades

காவிரி குடிநீர் வினிேயாகம் செய்யக்கோரிகாலிக்குடங்களுடன் பொதுமக்கள் சாலை மறியல்போக்குவரத்து பாதிப்பு

காவிரி குடிநீர் வினிேயாகம் செய்யக்கோரிகாலிக்குடங்களுடன் பொதுமக்கள் சாலை மறியல்போக்குவரத்து பாதிப்பு
கீரனூரில் காவிரி குடிநீர் வினியோகம் செய்யக்கோரி காலிக்குடங்களுடன் பொதுமக்கள் சாலை மறியலில் ஈடுபட்டதால் போக்குவரத்து பாதிக்கப்பட்டது.
கீரனூர்:
பேரூராட்சி அலுவலகம் முற்றுகை 
புதுக்கோட்டை மாவட்டம், கீரனூர் பகுதிமக்களுக்கு குடிநீர் வினியோகம் செய்யப்படும் காவிரி குடிநீர் 10 நாட்களுக்கு ஒருமுறை தான் வருவதாக கூறப்படுகிறது. அதுவும் குறைந்த அளவு தண்ணீரே கிடைப்பதாகவும், இதற்கான மாத கட்டணம் 100 ரூபாய் செலுத்துவதாக பொதுமக்கள் கூறுகின்றனர். 
கீரனூர், புஷ்பநகர் பொது மக்களுக்கு கடந்த 15 நாட்களாக காவிரி குடிநீர் வினியோகம் செய்யப்படவில்லை. இதுகுறித்து அந்தபகுதி பொதுமக்கள் கீரனூர் பேரூராட்சியில் புகார் தெரிவித்துள்ளனர். ஆனால் புகார் தெரிவித்தும் குடிநீர் வழங்கவில்லை. இதனால் ஆத்திரமடைந்த பொதுமக்கள் காலிக்குடங்களுடன்  கீரனூர் பேரூராட்சி அலுவலகத்தை முற்றுகையிட்டனர். இதையடுத்து அங்கிருந்த ஊழியர்கள் அவர்களிடம் பேச்சுவார்த்தை நடத்தி அங்கிருந்து அனுப்பி வைத்தனர்.
சாலை மறியல் 
இந்நிலையில் அங்கிருந்து புறப்பட்ட பொதுமக்கள் புஷ்ப நகர் பகுதியில் உள்ள சாலையில் காலிக்குடங்களை வரிசையாக அடுக்கி வைத்து நடுரோட்டில் சாலை மறியலில் ஈடுபட்டனர். இதில் பெண்கள் கைக்குழந்தைகளுடன் மறியலில் ஈடுபட்டதால் பரபரப்பு ஏற்பட்டது. மேலும் அந்த பகுதி வழியாக செல்லும் வாகனங்கள் அனைத்தும் நீண்ட வரிசையில் நின்றன. 
இதுகுறித்து தகவல் அறிந்த கீரனூர் போலீசார் மற்றும் வருவாய்த்துறை பேரூராட்சி அதிகாரிகள் சம்பவ இடத்திற்கு விரைந்து வந்தனர். பின்னர் மறியலில் ஈடுபட்டவர்களிடம் அதிகாரிகள் பேச்சுவார்த்தை நடத்தினர். பின்னர் இன்று (நேற்று) மாலைக்குள் காவிரி குடிநீர் அந்தப் பகுதிகளுக்கு வினியோகம் செய்யப்படும் என உறுதி அளித்தனர். இதைத்தொடர்ந்து சாலை மறியலை கைவிட்டு அனைவரும் கலைந்து சென்றனர். இதனால் அப்பகுதியில் போக்குவரத்து பாதிக்கப்பட்டது.

தொடர்புடைய செய்திகள்

1. விழுப்புரம் கலெக்டர் அலுவலகம் எதிரே பொதுமக்கள் சாலை மறியல்
அரியலூர்திருக்கை ஊராட்சி தலைவர் தேர்தலில் மறு வாக்கு எண்ணிக்கை நடத்தக்கோரி விழுப்புரம் கலெக்டர் அலுவலகம் எதிரே பொதுமக்கள் சாலை மறியல் போராட்டத்தில் ஈடுபட்டனர்.
2. பொதுமக்கள் திடீர் சாலை மறியல்
பொதுமக்கள் திடீர் சாலை மறியல் ஈடுபட்டனர்.
3. மத்திய அரசின் 3 வேளாண் சட்டங்களை ரத்து செய்யக்கோரி விவசாயிகள் சங்கத்தினர் சாலை மறியல் 945 பேர் கைது
மத்திய அரசின் 3 புதிய வேளாண் சட்டங்களை ரத்து செய்யக்கோரி புதுக்கோட்டை மாவட்டத்தில் விவசாயிகள் சங்கத்தினர் சாலை மறியல் போராட்டத்தில் ஈடுபட்டனர். இதில் 945 பேர் கைது செய்யப்பட்டனர்.
4. தள்ளுவண்டிகளை அப்புறப்படுத்திய நகராட்சியை கண்டித்து வியாபாரிகள் சாலை மறியல்
தள்ளுவண்டிகளை அப்புறப்படுத்திய நகராட்சியை கண்டித்து வியாபாரிகள் சாலை மறியல் செய்தனர்.
5. கரூர் கடைவீதியில் குடிநீர் கேட்டு காலிக்குடங்களுடன் கிராமமக்கள் சாலை மறியல்
குடிநீர் கேட்டு காலிக்குடங்களுடன் கிராமமக்கள் சாலை மறியலில் ஈடுபட்டனர்.