உரிமம் இல்லாத உணவு பொருட்கள் தயாரிக்கும் நிறுவனங்கள் மீது நடவடிக்கை-கலெக்டர் எச்சரிக்கை

சிவகங்கை மாவட்ட உணவுப்பாதுகாப்பு துறையின் மூலம் ஓட்டல் தொழில் செய்பவர்களுக்கான வழிகாட்டுதல் குழுக்கூட்டம் கலெக்டர் அலுவலகத்தில் நடைபெற்றது. கூட்டத்துக்கு மாவட்ட கலெக்டர் மதுசூதன்ரெட்டி தலைமை தாங்கி பேசியதாவது:-
அதேபோல் அரசு அங்கீகாரம் பெற்ற நிறுவனங்களில் பணியாளர்களுக்கு உணவுகள் தயாரித்து வழங்கப்படுகின்றன. இதுபோன்ற இடங்களில், மாவட்ட உணவுப்பாதுகாப்புத் துறை வழிகாட்டுதலின்படி அனுமதிச் சான்று பெற்று அதன்படி உணவுகள் தயாரிக்கும் பணியை மேற்கொள்ள வேண்டும்.
மேலும் உணவுப்பாதுகாப்புத்துறை அலுவலர் தலைமையில் வட்டார அளவிலான பாதுகாப்பு அலுவலர்கள் அவ்வப்போது ஆய்வு செய்ய வேண்டும். அதேபோல் குறிப்பாக, கலப்படமற்ற பொருட்களை பயன்படுத்த வேண்டும். எந்தநிலையிலும் மக்களை பாதிக்கும் வகையிலான பொருட்கள் பயன்படுத்துவதை முற்றிலும் தவிர்க்க வேண்டும்.
அரசால் தடை செய்யப்பட்ட புகையிலை பொருட்கள் மற்றும் நெகிழிப்பொருட்கள் விற்பனை செய்கிறார்களா? என்று அனைத்து வணிக நிறுவனங்களிலும் ஆய்வு செய்து தவறும் செய்யும் நிறுவனங்கள் மீது அதிகபட்ச அபராதம் விதிப்பதுடன், நிறுவனத்தின் உரிமம் ரத்து செய்வதற்கான நடவடிக்கைகள் மேற்கொள்ள வேண்டும்.
இவ்வாறு அவர் கூறினார்.
கூட்டத்தில் மாவட்ட வருவாய் அலுவலர் மணிவண்ணன், மாவட்ட கூடுதல் போலீஸ் சூப்பிரண்டு முரளிதரன், மாவட்ட உணவு பாதுகாப்பு அலுவலர் பிரபாவதி, உணவு பாதுகாப்பு அலுவலர்கள் சரவணக்குமார், ராஜேஷ்குமார் மற்றும் பலர் கலந்து கொண்டன