கோவில் திருவிழாவில் 2 பெண்களிடம் நகை திருட்டு

சாயல்குடி அருகே கன்னிராஜபுரத்தில் பத்திரகாளி அம்மன் கோவிலில் திருவிழா நடைபெற்றது. இதில் கன்னிராஜபுரம் கிழக்குத்தெரு வயனக்கண் மனைவி பொன்னுத்துரை (வயது 65) தனது பேத்தியுடன் சாமி தரிசனம் செய்ய வந்தார். பக்தர்கள் கூட்ட நெரிசலில் சிறுமி கழுத்தில் அணிந்திருந்த சிலுவையுடன் கூடிய 3½ பவுன் நகை மாயமானது. இதுகுறித்து சாயல்குடி போலீசில் அவர் புகார் அளித்தார். இதே திருவிழாவில் பங்கேற்ற சிந்தாமணி என்பவரின் 4 பவுன் தாலி சங்கிலி திருட்டு போனதாக அவர் புகார் கொடுத்தார். 2 புகார்களையும் சாயல்குடி போலீஸ் இன்ஸ்பெக்டர் பாலமுருகன் வழக்குபதிவு செய்து விசாரித்து வருகிறார்.