தாசில்தாருக்கு கொலை மிரட்டல் விடுத்த வாலிபர் கைது

திருச்சி மேலகல்கண்டார் கோட்டை நாகம்மை வீதி விஸ்தரிப்பு பகுதியை சேர்ந்தவர் ராஜேந்திரன். இவரது மனைவி வாசுகி (வயது 58). இவர் சிறுபான்மையினர் பிரிவு தாசில்தாராக திருச்சி மாவட்ட கலெக்டர் அலுவலகத்தில் பணி புரிந்து வருகிறார். நேற்று முன்தினம் தனது வீட்டின் முன்பு அவர் நின்று கொண்டிருந்தபோது எதிர் வீட்டில் வசிக்கும் ரமேஷ் (33) என்பவர் வாசுகியிடம் பிரச்சினை செய்ததோடு, அவரையும், அவரது கணவரையும் கொலை செய்து விடுவதாக மிரட்டியுள்ளார். இதுகுறித்து  பொன்மலை போலீசில் தாசில்தார் வாசுகி அளித்த புகாரின்பேரில் போலீசார் வழக்கு பதிந்து ரமேசை கைது செய்து சிறையில் அடைத்தனர்.