ஆட்டோ கவிழ்ந்து டிரைவர் சாவு

நெல்லை:

நெல்லை உகந்தான்பட்டியை சேர்ந்தவர் சின்னத்துரை (வயது 30). ஆட்டோ டிரைவர். இவர் நேற்று இரவு தனது ஆட்டோவில் வீட்டிற்கு தேவையான பொருட்களை ஏற்றிக்கொண்டு சென்று கொண்டிருந்தார். கண்டியப்பேரி விலக்கு பகுதியில் சென்றபோது ஆட்டோ திடீரென கவிழ்ந்தது. இதில் பலத்த காயமடைந்த சின்னத்துரை ரத்த வெள்ளத்தில் சம்பவ இடத்திலேயே துடிதுடித்து பரிதாபமாக பலியானார்.

இதுகுறித்து தகவல் அறிந்த நெல்லை மாநகர போக்குவரத்து புலனாய்வு பிரிவு போலீசார் சம்பவ இடத்திற்கு சென்றனர். சின்னத்துரை உடலை கைப்பற்றி பிரேத பரிசோதனைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.