நண்பரை கத்தியால் வெட்டிய வாலிபர் கைது

நெல்லை:

நெல்லை தாழையூத்து அருகே உள்ள காமராஜ் நகரைச் சேர்ந்தவர் மகாராஜன் (வயது 19). இவர் சம்பவத்தன்று தனது நண்பர்களிடம் பேசிக் கொண்டிருந்தார். அப்போது அவரது நண்பர் அதே பகுதியைச் சேர்ந்த ஆத்தியப்பன் மகன் மாணிக்கத்துக்கும் (22), மகாராஜனுக்கும் இடையே செல்போன் பார்த்தது தொடர்பாக தகராறு ஏற்பட்டது. இதில் ஆத்திரமடைந்த மாணிக்கம், மகாராஜனை அவதூறாக பேசி, கத்தியால் கைகளில் வெட்டினார். 

இதுகுறித்த புகாரின் பேரில் தாழையூத்து போலீசார் வழக்குப்பதிவு செய்து மாணிக்கத்தை கைது செய்தனர்.